:: Registrar General's Department ::

ග්‍රී ලංකා ජනතාව‍ෙග් මුලික අයිතීන් රැකගැනීම සඳහා ඔවුන්ගේ‍ උපත්‍, විවාහ මරණ ලේඛනගත කිරීම සඳහා, රෙජිස්ට්‍රාර් ජනරාල් දෙපාර්තමේන්තුව පිහිටුවා ඇත‍.

ඉඩම් ලියාපදිංචි කිරීමේ කාර්යය සඳහා 1864 දී මෙම දෙපාර්තමේන්තුව පිහිටුවන ලද අතර, 1867 දී උපත්, විවාහ හා මරණ ලියාපදිංචි කිරීමේ කටයුතුද එයට පවරන ලදී.

උපත්, විවාහ හා මරණ ලියාපදිංචි කිරීමේ කටයුතුද ප්‍රාදේශීය ලේකම් ක‍ාර්යාල දක්වා විමධ්‍යගත කර ඇති අතර සියලුම පදේශීය ලේකම් ක‍ාර්යාල ඒ අනුව දිස්ත්‍රික් රෙජිස්ට්‍රාර් අංශය බැගින් පිහිටුවා ඇත.

ඉඩම් ල‍ියාපදිංචි කිරීමේ ක‍‍ාර්යය දිස්ත්‍රික් මටිටමින් සිදූ කරන අතර ඒ සඳහා දිවයිනේ ඉඩම් රෙජිස්ට්‍රාර් කාර්යාල 42 ක් පිහිටුවා ඇත‍.

රෙජිස්ට්‍රාර් ජනරාල් දෙපාර්තමේන්තුව රාජ්‍ය පරිප‍ාලන හා ස්වදේශ කටයුත අමාත්‍යාංශය යටතේ ක්‍රියාත්මක වේ.

ඉ-ජනග‍හන ලේඛන ව්‍යාපෘතිය

(August 2, 2010 )

ශ‍්‍රී ලංකාවේ වාසය කරන සියළු දෙනාගේම මූලික තොරතුරු සහිත දත්ත ගබඩාවක් ගොඩනැගීම ව්‍යාපෘතියේ අරමුණයි.

හිමිකම් ලියාපදිංචි කිරීමේ වැඩසටහන (බිම්සවිය).

(August 2, 2010 )

1998 අංක 21 දරණ හිමිකම් ලියාපදිංචි කිරීමේ පනත අනුව ඉඩම් සහ ඉඩම් සංවර්ධන අමාත්‍යාංශයේ මෙහෙයවීමෙන් බිම් සවිය වැඩසටහන යටතේ රෙජිස්ට්‍රාර් ජනරාල් දෙපාර්ත‍මේන්තුව විසින් හිමිකම් ලියාපදිංචි කිරීම සහ හිමිකම් සහතික නිකුත් කිරීම කරගෙන යනු ලැබේ.

රාජ්‍ය තොරතුරු කේන්ද්‍රය ජාතික සමුළුව -2010
( 2010-08-31 )

රෙජිස්ට්‍රාර් ජනරාල් දෙපාර්තමේන්තුව විසින් රාජ්‍ය තොරතුරු කේන්ද්‍රය (1919) මඟින් ජනතාව වෙත ලබාදෙන ලද සේවාව අගය කිරීමක් ලෙස 2010 සැප්තැම්බර් 30වන දින පැවති රාජ්‍ය තොරතුරු කේන්ද්‍රයේ 4වන සමුළුවේදී දෙපාර්තමේන්තුව වෙත තිලිණයක් ලබා දෙන ලදී. මෙම කර්තව්‍යය සාර්ථක කර ගැනීම සඳහා රාජ්‍ය තොරතුරු හා සන්නිවේදන තාක්ෂණ නියෝජිතායතනයේ උපරිම සහයෝගය ලැබුණි.

ගැටළු විසඳීමේ වැඩසටහන - මුලතිව් දිස්ත්‍රික්කය
( 2010-08-30 )

රෙජිස්ට්‍රාර් ජනරාල් දෙපාර්තමේන්තුවේ ජේෂ්ඨ මාණ්ඩලික නිලධාරීන්ගේ සහභාගීත්වයෙන් 2010 සැප්තැම්බර් 01 දින මුල්ලියාවාලයිහි විද්‍යානන්ද විද්‍යාලයේදී ද 2010 සැප්තැම්බර් 03 දින ඔඩ්ඩුසුඩාන් මහා විද්‍යාලයේදී ද මැරිටයිම් පත්තු සහ ඔඩ්ඩුසුඩාන් ප්‍රාදේශීය ලේකම් කාර්යාල බල ප්‍රදේශ වල ගැටළු විසඳීමේ අරමුණින් ජංගම සේවා වැඩසටහන් අධිකරණ සහ නීති ප්‍රතිසංස්කරණ අමාත්‍යාංශයේ අනුග්‍රහයෙන් පැවැත්වේ. එහිදී විවාහ, උප්පැන්න සහ මරණ ලියාපදිංචි කිරීම මෙන්ම සහතික සඳහා පිටපත් ලබාදීමද සිදුවේ.

ජංගම සේවා වැඩසටහන - කෑගල්ල දිස්ත්‍රික්කය
( 2010-07-19 )

2010 ජුලි 17 සහ 18 දිනයන්හිදී කෑගල්ල දිස්ත්‍රික්කයේදී ජංගම සේවා වැඩසටහනක්රාජ්‍ය පරිපාලන හා ස්වදේශ කටයුතු අමාත්‍යාංශයේ අනුග්‍රහයෙන් පැවැත්විණි. එහිදී උප්පැන්න සහතිකපත් 127ක් ද කල් ගත වූ උපත් 123ක් ලියාපදිංචි කිරීම සහ උප්පැන්න සහතිකයේ තොරතුරු සංශෝධනය කිරීම් 8ක්ද කරන ලදී. මෙම වැඩසටහන සඳහා රෙජිස්ට්‍රාර් ජනරාල් දෙපාර්තමේන්තුවේ ජේෂ්ඨ මාණ්ඩලික නිලධාරීන් සහභාගී විය.

Last updated on 2010-08-31