விவாகரத்தைப் பெற்றுக் கொள்ளல்

இந்தச் செயன்முறை முழுமையாக நீதிமன்ற நடவடிக்கை மூலமே முன்னெடுக்கப்படும். ஒரு சட்டத்தரணியைச் சந்தித்துத் தேவையான ஆலோசனைகளைப் பெற்றுக்கொள்வது பொருத்தமானதாகும்.

விண்ணப்பப்பத்திரம் சமர்ப்பிக்கப்பட வேண்டிய இடங்கள்:  

• விண்ணப்பதாரர் ஒரு கண்டியப் பிரதேசத்தில் வசிப்பவர் எனின், அவர் வசிக்கும் பிரதேசம் சார்ந்த பிரதேச செயலகத்தின் மாவட்டப் பதிவாளரிடம். 
• விண்ணப்பதாரர் கண்டிய பகுயியில் வசிக்காத பட்சத்தில், பிரதிவாதி கண்டிய பகுயியில் வசிப்பவராக இருந்தால், குறித்த பிரிவின் பிரதேச செயலகத்தின் மாவட்டப் பதிவாளரிடம் அல்லது திருமணம் பதிவு செய்யப்பட்ட பிரிவின் பிரதேச  செயலக பிரிவின் மாவட்டப் பதிவாளரிடம்,
• இரு தரப்பினரும் கண்டியப் பிரதேசத்திற்கு வெளியேயுள்ள பகுதியில் வசிக்கின்றனர் எனின், திருமணம் பதிவு செய்யப்பட்ட பிரிவு சார்ந்த பிரதேச செயலகத்தின் மாவட்டப் பதிவாளரிடம். 

விவாகரத்துக் கோருவதற்கான விண்ணப்பப்பத்திரத்தை மாவட்டப் பதிவாளரிடமிருந்து பெற்றுக்கொள்ளவும்.

சமர்ப்பிக்க வேண்டிய ஆவணங்கள்:

• சரியாகப் பூர்த்தி செய்யப்பட்ட விண்ணப்பப்பத்திரம்.
• கண்டிய திருமணச் சான்றிதழ்.
• முறைப்பாட்டை உறுதிப்படுத்துவதற்குத் தேவையான ஆவணங்கள் இருப்பின் அவை.

மாவட்டப் பதிவாளரினால் விசாரணைகளுக்காக இரு தரப்பினரும் அழைக்கப்படுவார்கள்.

விண்ணப்பப்பத்திரத்தில் குறிப்பிடப்பட்டுள்ள விடயங்கள் உறுதிப்படுத்தப்படுமாயின், மாவட்டப் பதிவாளரினால் விவாகரத்துக் கட்டளை பிறப்பிக்கப்படும். இல்லையெனில் விவாகரத்து கோரிக்கை நிராகரிக்கப்படும்.

• மாவட்டப் பதிவாளரினால் வழங்கப்படும் தீர்ப்பை ஏற்காத பட்சத்தில், அதிருப்தியடைந்த தரப்பினர் 30 நாட்களுக்குள் மாவட்டப் பதிவாளரிடம் மேன்முறையீடு செய்யலாம்.

மாவட்டப் பதிவாளரினால் அந்த மேன்முறையீடு மாவட்ட நீதிமன்றத்தில் சமர்ப்பிக்கப்படும் என்பதுடன், நீதிமன்றக் கட்டளைக்கமைய மேலதிக நடவடிக்கைகள் முன்னெடுக்கப்படும்.

முஸ்லிம் விவாக மற்றும் விவாகரத்துச் சட்டத்தின் கீழ் செய்யப்பட்ட திருமணத்தை விவாகரத்து செய்வதற்கு, மணமகன் அல்லது மணமகள் நீதி அமைச்சினால் தமது அதிகாரப் பிரதேசத்திற்காக நியமிக்கப்பட்டுள்ள குவாசி நீதிபதியிடம் கோரிக்கையைச் சமர்ப்பிக்க வேண்டும். (1951 ஆம் ஆண்டின் 13 ஆம் இலக்க முஸ்லிம் விவாக மற்றும் விவாகரத்துச் சட்டம், 115 ஆம் அதிகாரத்தைப் பார்க்கவும்).

மாவட்டப் பதிவாளரினால் வழங்கப்பட்ட விவாகரத்துத் தீர்ப்பு தொடர்பாக மேன்முறையீடு எதுவும் செய்யப்படாத பட்சத்தில் (தீர்ப்பு வழங்கப்பட்டு 30 நாட்களுக்குள்), மேன்முறையீட்டுக் காலம் முடிந்ததும் விவாகரத்துச் சான்றிதழ் பெண் தரப்பினருக்கு வழங்கப்படும்.

விவாகரத்து தொடர்பான மாவட்டப் பதிவாளரின் தீர்மானத்திற்கு எதிராக மேன்முறையீடு செய்யப்பட்டிருப்பின், நீதிமன்ற கட்டளைக்கமைய சம்பந்தப்பட்ட மாவட்டப் பதிவாளரினால் விவாகரத்துச் சான்றிதழ் வழங்கப்படும்.

திருமணம் விவாகரத்துச் செய்யப்படும் சந்தர்ப்பத்தில், அதன் ஒரு பிரதி குவாசி நீதிபதியினால் பெண் தரப்பினருக்கு இலவசமாக வழங்கப்படும். மேலதிக பிரதிகள் தேவையெனின், குவாசி நீதிபதியின் அதிகாரப் பிரதேசத்திற்குரிய பிரதேச செயலகத்தில் விண்ணப்பப்பத்திரத்தை சமர்ப்பித்து, சான்றிதழ் பிரதிகளைப் பெற்றுக்கொள்ளலாம்.